Vil hjelpa andre
Utanfor klesbutikken Madam Ane har to unge jenter tatt plass på marknadsdagane.
Dei to elleveåringane og bestevenninnene Malene Massi Fagerthun og Ronja Berg sel ikkje varer for eiga inntekt.
Har samla inn over 8.500 kroner
– Vi sel varer som er importert frå Uganda, og donerer alt til eit barneheim i Nsumba, Uganda, fortel Malene.
Trass i den unge alderen har dei to dreve med dette i lengre tid og har samla inn over 8.500 kroner til barneheimen.
Dei har vore på fleire plassar og samla inn penger, og stått i krysset på Smiebakkane og hatt loppesal. I tillegg har dei kreative venninnene stått på Kiwi Haugsneset og sunge og selt varer.
- Responsen har vore fantastisk blant dei vaksne, men klassekameratar og vener ser berre på oss og syntest det er rart, seier Malene.
Malene og Ronja fortel at dei byrja å samla inn penger fordi å hjelpa og dei kjenner dei får betre samvit av å hjelpa andre som ikkje har det like godt.
Over 7.000 kroner har dei to engasjerte jentene fått inn til no på marknadsdagane som enda har ein dag att.