Vil hjelpa «Os’ slappaste» ut av sofaen
Personleg trenar deler ut trening og rådgjeving verdt 70.000 kroner.
I september i fjor opna Bootcamp Os som avdeling av Energi Trening.
– Bootcampen har gått veldig bra! Før sommarferien hadde vi timar seks dagar i veka, 13 timar totalt, og det var så og seia fullt på dei fleste, fortel Daniel Hylland.
No startar han hausten med eit tilleggsstunt; han vil finna «dei to slappaste» innbyggarane i Os, og med tett oppfølging i seks månadar få vedkomande i god form og på rett spor i treningskvardagen.
To som vil, men som ikkje har kome i gang
Daniel vil bruka tida fram til 7. september på å søka etter kandidatar. Så vil han bruka ei god veke på å vurdera desse opp mot kvarandre, blant anna med intervju.
– Eg vil finna nokre kandidatar der potensialet til å forbetra formen er stort, at dei både har eit utrent utgangspunkt og eit reelt ønskje om å koma i betre form.
Vegleiing med høg verdi
Når kandidatane er valt ut startar treninga.
– Vi byrjar varsamt, tre dagar i veka er nok. Ønskjer dei å trena eller å mosjonera utanom, så hjelper eg dei med rådgjeving der òg.
Alt er gratis og utan at deltakarane forpliktar seg til vidare trening eller medlemsskap. Ifølgje Hylland har treninga og PT-timane ein samla verdi på 35.000 kroner per deltakarar.
– Eg er spent på interessa for dette. Vi gjorde tilsvarande på Askøy, der vi hadde tre deltakarar. Både prosjektet og resultatet til deltakarane blei veldig vellykka!
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.