Lokal | 31. mars 2018

Vil invitere dronninga til skulptur-jubileum

I 2019 feirer skulptursymposiet 20 år. Får Arne Mæland det som han håper kjem dronninga.

Vil invitere dronninga til skulptur-jubileum
Arne Mæland håper å få med kommunen på å laga noko ekstra ut av skulptursymposiet sitt jubileum i 2019 (foto: Andris Hamre)
Andris Hamrelørdag 31. mars 2018 16:40

I formannskapet før påske fortalde Arne Mæland at han bar på ein draum i samband med at Os internasjonale skulptursymposium feirer 20 år i 2019.

– Vi har tenkt å markere oss litt og invitere nokre spesielle gjester og då kanskje dronning Sonja spesielt. Då treng vi nok litt hjelp, fortalde Mæland.

– Du kan jo gjera det når du skal over og takke for fortenestemedaljen, svara ordførar Marie Bruarøy med eit smil.

Mange ønskjer seg til Os

Om dronninga kjem eller ikkje er førebels ikkje klart, men at det er mange andre som ønskjer å komma til Os er det liten tvil om.

– Alle i Carrera kjenner til Os. Dei aller fleste har lyst til å komma opp her, det kan dei jo ikkje, så eg tør nesten ikkje snakka om symposiet når eg er der nede lenger.

– Vi freister å få fram nye ting heile tida. Det hadde vore stas om vi i 2019 kunne fått til eit enno tettare samarbeid med Os kommune og gjort litt meir ut av jubileumssymposiet, fridde Mæland.

Treng meir stein

Espen Aspenes (Frp) lurte på kva Mæland tenkte seg i høve kroner og øre.

– Eg har ikkje turt å seie så mykje om det enno. Kommunen har jo vore inne som kjøpar tidlegare og eg håper de vil vera med vidare. Os Kulturutvikling har investert mykje i vognhallen, og vi må investera i ny stein, så det er nokre kostnader som ligg der.

– Vanlegvis har vi samla inn 800.000 kroner. Eg har ikkje noko tall no, men kan vi ikkje ha ein dialog og sjå på korleis vi kan gjera det, undra Mæland.

– Eg er positiv, men vi treng å det konkretisert, kommenterte Nils-Anders Nøttseter (MDG).

– Det er óg siste året Os er eiga kommune. Eg tenkjer vi kan bruke det at vi skal bli Bjørnafjorden kommune og skape eit engasjement rundt både samanslåinga og symposiet, supplerte Helge Steinum (Ap) før politikarane ba Mæland og administrasjonen om å setta seg saman.

– Dette fiksar vi, så får vi få opp ein politisk sak på det, avslutta Marie Bruarøy.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.