Vil kjøpa skog
Regionalt toppmøte med Os kommune, Fylket, Bergen kommune, Statsskog og andre for å sjå på mogleheiten for å kjøpa Raudlio og Stokkedalen.

Statsskog har signalisert at dei vil selgja det omlag 11.000 mål store området i Raudlio og Stokkedalen til hausten.
– Det har truleg ein prislapp på rundt 11 - 12 millionar kroner, noko som er for mykje å ta for kommunen aleine.
Les òg: No kan dei kjøpa
– Difor har eg invitert fylkesmannen, fylkesvaraordføraren, fylkesidrettssjefen, representantar frå Bergen Kommune, Statsskog, Bergen og Omland Friluftsråd og jakt- og fiskeinteressar til eit "regionalt toppmøte", fortel ordførar Terje Søviknes (Frp) som saman med rådmann Knut Terje Rekve møtte interessentane til møte onsdag formiddag.
Sal til hausten
Etter planen skal sal av området leggast ut til hausten. Det var for å føre bu eit eventuelt kjøp Søviknes inviterte til toppmøtet.
– Vi må forsøka å finne ein modell slik at vi kan finansiera kjøpet.
– Det kan vera statlege tilskotsordningar, eit spleiselag eller ein kombinasjon av desse.
– At både fylkesmannen, fylket, Bergen kommune og dei andre vel å prioritera møtet seier noko om dimensjonane over dette, meinte Søviknes før diskusjonane tok til.
Målet er å sikra området for ållment bruk.