Kultur | 04. sep. 2018

Vil laga moteshow her

Borg Vêr skal ut i naturen igjen - men må droppa Borgafjellet i år.

Vil laga moteshow her
Laurdag blir det moteshow på eller ved den 50 meter lange Knutabruo. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytirsdag 04. sep. 2018 13:22

Bildeserie:

– Rasteplasen nedanfor er òg godt eigna. (Foto: KVB)
– Rasteplasen nedanfor er òg godt eigna. (Foto: KVB)
Mellom brua og rasteplassen ligg denne gapahuken. (Foto: KVB)
Mellom brua og rasteplassen ligg denne gapahuken. (Foto: KVB)
Frå moteshowet på Borgafjellet i fjor. (Privat foto)
Frå moteshowet på Borgafjellet i fjor. (Privat foto)
1 av 3
– Rasteplasen nedanfor er òg godt eigna. (Foto: KVB)
Mellom brua og rasteplassen ligg denne gapahuken. (Foto: KVB)
Frå moteshowet på Borgafjellet i fjor. (Privat foto)

Ho hadde venta 20 til 50 tilskodarar, Jeanett Borgen Kallekleiv, som i august i fjor arrangerte moteshow på Borgafjellet.

Rundt 150 dukka opp!

– Eg hadde undervurdert kor glade osingane er i å gå fjelltur, seier Jeanett, som i utgangspunktet ville tilbake på den sentrumsnære fjelltoppen (353 moh) i år.

Ho har hatt framgang etter operasjon av korsbandskade i vår, men har belasta kneet feil eller for mykje den siste tida, og må halda seg i låglandet med neste moteshow.

På eller ved Knutabruo

I staden for fjelltoppen blir det i år ved foten av fjellet, i det populære turterrenget mellom Nordmarka og Tøsdal.

– Det var ein kunde som kom med forslaget, og eg synest området er både fint og godt eigna.

15-20 modellar stiller opp for Borg Vêr laurdag.

– Om dei skal gå over Knutabruo, ved den nye gapahuken eller nede ved rasteplassen er ikkje bestemt. Eg vil inn på synfaring.

Den 50 meter lange brua, som opna i 2015, heng 12-14 meter over Oselvo. Den store gapahuken opna i fjor. Ved stien rett nedanfor ligg ein rasteplass.

– Vi må nok ta høgde for at det kjem minst like mange som sist, då turen er flatare og enklare, også for dei med barnevogn, sykkel eller rullestol.

Havnechefen går opp elvo

I fjor fekk arrangør og modellar nevane fulle på veg til topps, med bord, drikke og lett lydutstyr.

– No er det enklare å frakta utstyr og snacks, seier Jeanett, men legg til at planen er å halda fram på Borgafjellet i åra som kjem.

– I år har eg òg med meg restauranten Havnechefen. Dei riggar opp ein liten kafé med enkel varmrett for sal til turgåarane som stiller på showet.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.