Vil likebehandla festivalane

I budsjetthandsaminga i haust sette kommunestyret av 2,8 millionar kroner til eit disposisjonsfond som formannskapet kan bruka til saker som kjem opp i løpet av året. Fleire av dei større arrangementa i bygda har sett at her har det vore midlar å henta, men denne moglegheiten har truleg ikkje vore kjend for alle.

- Eg meiner det er viktig at vi får nokre retningslinjer for disposisjonsfondet slik at både vi og organisasjonar i Os veit kva desse midlane kan nyttast til, påpeika Eirik Neverdal (TvS), som fekk støtte for at ein kanskje bør laga nokre retningslinjer uten at ein bind seg opp av den grunn.

Tysdag behandla formannskapet søknader frå 7 kultur og idrettsarrangement, éin søknad frå senter mot incest og seksuelle overgrep og éin søknad om etablering av «Kjør for livet» i Os.

- Eg forslår vi gjer ei endring i dei summane administrasjonen har fremja slik at Søfteland Rock 'n LOL får dei 100.000 kronene dei har søkt om.

- Dette er ein areana også unge musikarar frå bygda slepp til framfor eit stort publikum, poengterte Jon Sivert Rykkel (V), som argumenterte med at festivalen var eit tiltak retta like mykje mot unge, som mot vaksne. I tillegg blei festivalen i fjor kåra til Bergens Beste av BT.

Totalt låg det 405.000 kroner i framlegget frå administrasjonen til dei forskjellege tiltaka, men då var det ikkje forslag ein sum til «Kjør for livet», sidan det prosjektet først blei presentert i møtet.

La 380.000 ekstra i potten

Etter eit gruppemøte fremja posisjonen beståande av Frp/H eit framlegg kor dei i staden for å kutta i nokre av dei andre tiltaka la 25.000 ekstra i potten. I tillegg la dei inn dei 360.800 kronene «Kjør for livet» trong for å starta opp prøveprosjektet på Os.

- Vi meiner det er god grunn til å behandla dei etablerte festivalane som Søfteland Rock'n LoL og filmfestivalen likt. Derfor foreslår vi å auka tilskotet til Søfteland med 25.000, forklarte Terje Søviknes på vegne av de to partia.

- Arbeiderpartiet støtta den første delen utan tvil.

- Den andre delen synes vi ikkje har vore behandla godt nok. Det er mykje midlar det er snakk om og dei faglege tilrådinga frå administrasjonen manglar. Når framlegget til vedtak frå posisjonen er såpass tydelege på at dette er eit eittårig prøveprosjekt kor det skal gjerast eit grundig arbeid finn vi likevel å kunne støtta også dette, forklarte Lars Atle Skorpen (Ap).

Desse fekk midlar

Følgande arrangement og tiltak hadde søkt om midlar og fekk dette gjennom formannskapet sitt disposisjonsfond:

WT Litteraturfestivalen - 50 000
Oseana Kammer Scene - 50 000
Rock’n LOL - 100 000
17. mai Oseana - 10 000
TRYGG i OS - 50 000
60o Nord - 100 000
Last Qualifayer Race Walk - 50 000
SIMH - 20 000
”Kjør for livet” - 360 800
Sum - 790 800

Formannskapets disposisjonsfond kan brukast til uforutsette utgifter i forvaltninga gjennom året, eller til å støtta aktivitetar og tiltak i Os som er av ei slik storleik eller karakter at dei fell utenom for eksempel kulturmidlar og andre tilskotsordningar i kommunen.