Lokal | 24. okt. 2019

Vil skriva ut bøter rundt barnehage og skule

– Dei fleste reglane blei brotne, seier lensmann Dyrdal etter patrulje på oppmoding frå tilsette ved skular og barnehagar.

Vil skriva ut bøter rundt barnehage og skule
Lensmann Oddbjørn Dyrdal er overraska over mengda lovbrot som vart observert rundt skular og barnehagar. (Arkivfoto: KVB) 
Kjetil Osablod Grønvigh
Kjetil Osablod Grønvightorsdag 24. okt. 2019 08:44

Ved skulestart er politiet mykje ute for å sjå på trafikkbildet ved skular og barnehagar.

No har dei, etter oppmoding frå tilsette ved barnehagar og skular i Os, vore ute og observert på nytt.

– Nedslåande resultat

Lensmann Oddbjørn Dyrdal fortel at det patruljen observerte er overraskande.

– Det meste av reglar vert brotne - brot på vikeplikt, køyring på raudt lys, parkering i kryss, manglande bruk av lys og manglande bruk av blinklys.

– Summen av alt dette leier til kaos, og det går ut over tryggleiken til dei minste på veg til skule og barnehage. Både ungane som blir sleppte ut av bilen og dei som går heimefrå til skulen.

Frå gode råd til dårleg råd?

Dyrdal seier vidare at det ligg eit stort paradoks i denne saka.

– Dei som står for lovbrota er dei som skal levera ungane, og dette gjeld både privatbilar og transportørar.

Dyrdal understreker at han er kjend med at det er pressa trafikale forhold rundt ein del av skulane og barnehagane, men at dette ikkje kan vera ei unnskyldning for å bryta lovar og reglar.

No vil politiet ikkje berre observera og kommentera med gode råd, komande observasjonar av brot på trafikkreglane får konsekvensar.

– Vi kjem til å sanksjonera mot forhold tilsvarande det vi no har sett, og vi kjem òg til å sjå på sikring av ungane i bil når vi først er der.

Så om du ikkje vil dra på deg ekstra utgifter før jul, er oppmodinga til lensmannen enkel - ta deg god tid med leveringa, finn ein eigna og lovleg parkeringsplass før du set av det dyraste du eig.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.