Vil at staten tek meir av rekninga

Saman med dei andre Frp-ordførarane har Terje Søviknes fremja ein resolusjon til partiet sitt landsmøte denne helga, kor dei ber partikollegaene i regjeringa ta større del av driftskostnadane i eldreomsorga.

– Dei statlege ordningane for å byggja sjukeheimsplassar er god, utfordringa kjem når det kjem til drift av desse.

– Å drifta ein sjukeheimsplass kostar kommunen opp mot éin million kroner i året. Difor meiner vi at staten i større grad må på banen med direkte statlege tilskot også til drift, fortel Søviknes på veg til landsmøtet.

Må finna 45-50 millionar

Kommunestyret jobbar med ei utviding av Luranetunet, med fleire plassar mellomanna innan demensomsorga.

– Det kan fort vera snakk om 50-60 nye plassar.

– For oss vil difor eit direkte statleg tilskot gje ei heilt anna tryggleik, enn det som er ordninga i dag.

– Det vil vera eit heftig sprang i drifta til kommunen å skulle opna, la oss i 48 nye plassar.

– No har vi jo førebudd oss noko med å styrka heimetenestene. Det kan vera at vi gjer som vi gjorde sist vi bygde ut på Lurane, nemleg å overføra noko av ressursane i heimetenesta til sjukeheimen, men at det blir tøffe tak er det ikkje tvil om, seier Søviknes.

Trur på meir penger

I tillegg til meir statleg engasjement i drift av sjukeheimar ber ordførarane mellomanna om åreleg realvekts i dei frie midla til kommunane og auka vekstkommunetilskot til kommunar i vekst.

– Det siste har vi fått gode signaler på i samband med kommuneøkonomiproposisjonen som kjem no i mai.

– Det vil bety mykje for dei investeringane vi skal og må gjera i Os, avsluttar Søviknes.