Vil ta Festspillene til Os
Kulturbyråd i Bergen Harald Victor Hove (H) ser for seg festspillarrangement i Oseana når bygget opnar neste vår.
Byråden var tysdag på besøk i Os for å gjera seg kjent med kva bygda har å by på. Ikkje berre på kulturfronten, men òg i høve til næringsetablering og nye-vegen. Ei omvisning på byggeplassen til Oseana høyrte naturlegvis med.
Med ordfører Terje Søviknes og kultursjef Lisbeth Axelsen som engasjerte guidar fekk byråden ei innføring i arbeidet på Oseana og planane for Mobergsvikjo og moloen.
Samarbeid viktig
- For meg er det viktig å samarbeida med nabokommunane. Difor er det naturleg å sjå for seg at Festspillene kjem til Oseana når det står ferdig, seier kulturbyråd Harald Victor Hove.
- Eg kan nok tenka meg at både Carte Blanche og Filharmonien har lyst til å prøva den nye scenen. Det er viktig at vi ikkje held all kulturen for oss sjølv, men deler på den og utnyttar dei ressursane som ligg i nabokommunane våre.
Rimelig bra i rute
Ordføraren kunne fortelja at byggeprosjektet ligg rimeleg bra i rute, trass i ein hard vinter og ei lita veke med streik tidlegare i vår.
Opninga er no planlagt til siste veka i april neste år.
Imponert av materialval
Byråden let seg imponera av mellom anna solplattingen som er bygd opp i framkant av Oseana ut mot stupebrettet. Der har ein som på resten av uteanlegget nytta naturstein som byggjemateriale slik at naturen kjem inn i bygget. Denne plassen kjem til å bli ein ynda plass når sumaren kjem og badesesongen byrjar.
- Eg er glad for at dykk har valt ei løysing med norsk naturstein framfor marmor, var byråd Harald Victor Hove sin kommentar til materialvalet.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.