Vil ta vare på bygga

Posisjonen (H/Frp) fekk ikkje uventa fleirtal for sitt busjettframlegg i kommunestyret tysdag. Eit område dei to partia vil bruka meir pengar på er vedlikehald av skuler og andre kommunale bygg.

- Det er ei glede å snakka om vedlikehald.

- Vi vil oppretta eit vedlikehaldsteam med til dømes tømrar og malar som etter ei prioritering kan reise rundt på dei forskjellege kommunale bygga og ta seg av løpande vedlikehald i samarbeid med vaktmeister.

- Teorien bak framlegget er at vi i løpet av ei femårsperiode vil få ei kommunal bygningsmasse som ser flott ut og som er i god stand.

- Dermed kan vi unngå å måtte gjera det om til store prosjekt når det er for seint, argumenterte Ståle Skaatun (H).

Fekk støtte for verbalforslaga

Sjølv om posisjonen ikkje fekk støtte frå dei andre partia for sitt budsjettframlegg, var det desto meir støtte å henta på verbalforslaga, kor det i første omgang ikkje er pengar involvert.

Med 27 (Frp, H, V, Sp, TvS, KrF) mot 7 (Ap) røyster blei dei fem verbalforslaga vedtekne.

Desse er:

• Prosjekt Liv på Øyro
• Innkjøpsstrategi for kommunen
• Ny idrettshall på Kuventræ
• Kulturellt utviklingsprogram for Os (KUP Os)
• Utvikling av Os gjestehamn

Ap fekk trimma seg

Arbeiderpartiet var det partiet som hadde lagt fram flest verbalforslag, heile 23 i talet.

Då voteringa skulle ta til bestemte ordføraren at dei som røysta for det einskilde verbalforslaget skulle visa det ved å reisa seg. Dermed blei det mykje "trim for eldre" på unge og gamle arbeiderpartirepresentantar.

På tre av forslaga fekk dei selskap i dansen frå eit fleirtal i kommunestyret og dermed gjennomslag for dei punkta.

Desse var:

At Os kommune skal oppmuntra utbyggjarar til å byggje boligar i ulike størrelser, i ulike prisklassar for ulike behov, når det søkast om/planleggast utbygging i Os, slik at boligutbygginga i større grad reflekterar behovet. Vedteken mot tre røyster frå høgre.

Utviding av samarbeidet med frivillige for å auke omfanget på, og kvaliteten av, innhaldet i eldreomsorgen. Samrøystes vedteken.

Det skal lagast ein oversikt over det mest prekære vedlikehaldsbehovet for dei kommunale vegane, spesielt behovet for reasfaltering og rassikring, og behovet for anna forsterking før ny asfaltering. Samrøystes vedteken.