Lokal | 08. feb. 2011

Vil utvida Kuhnletunet

Administrasjonen ber om 36 millionar til 12 nye omsorgsbustadar med heildøgns bemanning og aktivitetshall på Kuhnletunet.

Vil utvida Kuhnletunet
Andris Hamretirsdag 08. feb. 2011 14:27

Den tilrådde løysinga består av 8 bustader for yngre funksjonshemma med store omsorgsbehov og 4 bustadar for funksjonshemma med noko lettare omsorgsbehov. I tillegg kjem fellesrom, personalbase og ei utviding av dagsenteret med ein aktivitetshall.

Totale byggekostnadar vil i følgje administrasjonen bli på 36 millionar kroner inkl mva. Det er ei forutsetning at momskompensasjonen, låneopptak og husbanktilskot nyttast som investering. Videre forutset ein at husleigeinntektene skal dekkja investerings- og driftskostnadane for bustadane.

Dei nye husværa skal byggjast som såkalla passivhus som mellomanna gjev lågare straumutgifter. Administrasjonen seier dei vil søka om passivhustilskot frå Enova.

Rimeligare driftskostnadar
I saka, som Tenesteutvalet skal handsama onsdag, kjem det fram at bygginga av dei 12 bustadane vil gje kommunen auka driftskostnadar på omlag 400.000 kroner per år frå bustadane står ferdige i 2013. Samstudens vil bygging av boligane kunne bidra til reduserte transportkostnadar på omlag 200.000 slik at nettoeffekten kvart år blir på omlag 200.000 kroner.

Alternativa, som full pleie heime hos brukarane sjølv ute i krinsane, eller brukarstyrt personleg assistanse (BPA) vil gje kommunen ei auka driftskostnad på vel 3,6 milionar per år frå 2013.

Prosjektleiar Laila Storvik har òg estimert kostnadane med å flytta fem eldre fuksjonshemma frå Kuhnletunet til Lurane og la fem av dei unge funksjonshemma overta bustadane på Kuhnletunet.

Ho vil ikkje tilrå denne løysinga då dei estimerte auka driftskostandane med denne løysinga vil bli på omlag 1,2 millionar per år. I tillegg medfører løysinga så store ulemper for dei det gjeld at ho på eit fagleg grunnlag frarådar alternativet.

Nærmar seg fullt
- Vi må innan 2013 finna gode, langsiktige teneste- og bustadsløysingar for ei gruppe funksjonshemma ungdommar med store omsorgsbehov. Dei nyttar i dag ein stor andel av avlastningskapasiteten på Varafjell, skriv Laila Storvik i saksutgreiinga til politikarane.

Varafjell er eit avlastningstilbod for barn /ungdom, og ikkje vaksne. Kapasiteten på Varfjell er i følge Storvik nesten full. Ho uttrykk bekymring for at dei ikkje vil få plass til nye ungar med avlastningsbehov om ikkje dei vaksne funksjonshemma flyttar ut.

I følge saka har kommunen no ei gruppe på åtte unge funksjonshemma med stort omsorgsbehov som er aktive brukarar av avlastningsbustadane på Varafjell. For den aktuelle gruppa er det ikkje aktuelt å bli buande på Varafjell når dei blir eldre og ein ønskar difor å etablere eit permanent butilbud til denne gruppa.

Aktivitetshall
Med fleire bustader for funksjonshemma med stort omsorgsbehov ser ein òg behov for å gjera noko med dagsentertilbodet. Difor har ein i planane lagt inn ein aktivitetshall med toaletter/dusj og kjøkkenkrok.

- Viss dette arealet kan nyttast til betalt utleige i sambruk med velforening og ideelle organisasjonar enkelte kvelder/helger, så vil ein kunna økonomisk forsvara bygging av ein aktivitetshall, skriv Storvik.

Ho ser ikkje for seg ein full idrettshall som kunne ha utløyst spelemidlar, men ein mindre hall kor ein vil ha ein lågare investeringskostnad og såleis mindre behov for utleige.

Planar alt i 2008
Allereie i 2008 arbeidde ein med planar om utviding av leiligheter i Kuhnletunet.

- Saka kom då aldri heilt fram sjølv om vi hadde detaljerte teikningar, fortel Sam Arnesen, einingsleiar i Tenester for utviklingshemma.

- No føler eg det er gjort ein enda betre jobb i høve til dei økonomiske aspekta ved ei utbygging og håpar verkeleg at vi kan få det til denne gongen, sier Arnesen.

Saka skal handsamas i Tenesteutvalet onsdag før den etter planen går vidare til formannskapet og kommunestyret seinare i februar.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.