Sport | 20. sep. 2016

Vilde og Madelen sentrale på Nærbø

Vilde Drange Veglo og Madelen Koldal Holme spelte kvart minutt av kampane då kretslaget var på turnering på Nærbø.

Vilde og Madelen sentrale på Nærbø
Madelen (t.v.) og Vilde på turneringa i Rogaland i helga. (Privat foto)
Kjetil Vasby Bruarøy
Kjetil Vasby Bruarøytirsdag 20. sep. 2016 19:27

Bildeserie:

Vilde er kaptein på kretslaget.
Vilde er kaptein på kretslaget.
Madelen spelte med 02 for første gong.
Madelen spelte med 02 for første gong.
Hordaland hadde 18 jenter med seg til Nærbø.
Hordaland hadde 18 jenter med seg til Nærbø.
1 av 3
Vilde er kaptein på kretslaget.
Madelen spelte med 02 for første gong.
Hordaland hadde 18 jenter med seg til Nærbø.

Kretslaget for jenter 14 (fødd 2002) var i helga på turnering på Nærbø sør for Bryne.

I troppen var to jenter frå Os, Vilde Drange Veglo (Os Fotball) og Madelen Koldal Holme (Gneist IL), som har vore fast med kretslaget det siste året.

– Dette var den tredje samlinga etter treninga i vinter. Vi var i Sogndal først og på Bremnes nærmare sommaren, fortel Vilde, som er kaptein på kretslaget.

Madelen hadde si første turnering med 02-laget, då ho har trent og spelt med 01-laget til Hordaland til no.

– Eg brukte litt tid til å bli kjent med dei andre jentene og stilen til laget, men vi hadde ei samling for eit par veker sidan og eg synest vi klarte oss godt i kampane.

Mykje speletid

18 jenter frå Hordaland var tatt ut til turneringa. Vilde spelte kvart minutt av alle dei tre kampane, Madelen var på banen frå start til slutt i begge kampane ho rakk før ho måtte heim og spela NM-kamp med Gneist (endte med tap 0-2).

Mens Madelen blei brukt både sentralt på midtbanen, som indreløpar og ving, spelte Vilde både ving, indreløpar, sentralt og som spiss.

Les òg: Tre frå Os i nytt kretsuttak (gutar 14)

Tre jamne rundar

Hordaland spelte mot både Oslo, Agder og Rogaland. Den første kampen, mot Oslo, vann dei 2-1, dei to neste enda begge med 0-1-tap.

– Det var jamne kampar. Vi spelte ganske bra, men var litt stressa i periodar, synest Vilde.

– Mot Rogaland kunne vi like gjerne ha vunne, vi produserte veldig mange sjansar mot slutten av kampen, fortel Madelen.

Vilde fortel om samling i oktober før uttakt til kretstreningane gjennom vinteren. Madelen er usikker på kva som gjenstår med 01-laget, som snart blir runda av, men seier dei skal ha ei avsluttande turnering på nyåret.

Vilde trener litt med Fyllingsdalen for tida, Madelen trener fast med toppserielaget Sandviken éin gong i veka.

Her er troppen som var til Nærbø i helga:
Amanda Prevost - FK Fyllingsdalen
Hannah Markussen - Tertnes FD
Eline Løvmo - FK Fyllingsdalen
Ane Sørbrøden - Smørås IL
Tuva Jørgensen - Stord Fotball
Johanna Eikenes - Stord Fotball
Mia Lie Neset - Sotra SK
Amalie Hatland - Tertnes FD
Vilde Drange Veglo - Os TF
Julie Solberg - Olsvik IL
Madelen Holme - IL Gneist
Elise Kvinge - Bønes IL
Oda Pettersen - FK Voss
Ina Mørkve - FK Voss
Tuva Førde Furu - FK Voss
Christine Andersen - Nymark IL
Kristin Beltestdd - FK Fyllingsdalen
Sofie Kjøpstad Norvik - Nymark IL

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.