Vinden tok straumen
Det var ikkje berre båtar som blei skadd i vinden natt til laurdag.
Natt til laurdag var det kraftig vind og høge bølgjer i Os, noko som førte til fleire forlis i båthamna på Hatvik.
Les òg: Dagen derpå i Hatvik
Men det var også nokre tre som ikkje klarte å stå imot vinden.
På Mobergslia la eit tre seg over linjene, det same skjedde ved snuplassen på Rød, inst i Hegglandsdalen.
I Øvre Varåsen hadde vinden fått så mykje sving på kablane at ein av dei rauk.
– Det er berre eitt hus som er utan straum som følgje av denne skaden.
– Vi skal ut på nokre andre oppdrag også, der det ligg tre over nokre lavspentkablar. Der skal det ikkje vera snakk om straumbrot, foreløpig, fortel montøren som var i sving i Varåsen laurdag.
På Byvegen såg det også ut til å ha vore problem, laurdag kveld var det ikkje veglys mellom AMFI Os og krysset inn til Gymnasvegen.