Vinn båtførarkurs!

Tysdag 23. til torsdag 25. oktober held Maritim Kompetanse kurs i Os for dei som vil ta båtførarprøven.

Les òg: Vil læra osingane om båt

Midtsiden har fått ein gratisplass på kurset, verdt 1.299 kroner. Eksamensavgift på 585 kroner kjem utanom og må betalast av kursdeltakar.

Sender du oss rett svar på spørsmåla under, innan torsdag 11. oktober klokka 23.00, er du med i trekninga av gratis kurs (men ikkje eksamensavgifta).

OBS! Konkurransen er personbunden, vinn du gratisplassen kan du ikkje gje den vidare til andre. Om du ikkje vil ta kurset likevel så tar vi ny trekning.

SPØRSMÅL

1. Du er åleine i båten, ramlar i sjøen og klarer ikkje koma deg opp igjen. Kva gjer du?
A: Symjer rundt båten for å halda deg varm
B: Symjer så raskt du kan mot nærmaste land
C: Held deg i ro ved båten til hjelp kjem (rett)

2: Kva farge har babord lanterner?
A: Grøn
B: Raud (rett)
C: Kvit

3: Kor lang er ei nautisk mil?
A: 1852 m (rett)
B: 1582 m
C: 1258 m

4: Ein badeplass er ofte merka med:
A: Orange bøyer
B: Gule bøyar med eit kryss på toppen (rett)
C: Gule og svarte bøyar med ei pil på toppen

5: Kva regel gjeld for personleg flyteutstyr om bord i fritidsbåtar?
A: Det skal vera flyteutstyr til alle om bord i båten (rett)
B: Det skal vera flyteutstyr til alle som ikkje kan symja
C: Det skal vera flyteutstyr til alle barn som er om bord

6: Når to motorbåtar møter kvarandre skal dei ...
A: Vika til høgre for kvarandre (rett)
B: Vika til venstre for kvarandre
C: Velja det som passar best

OPPDATERT: Vi har trekt ut Ove Krey som vinnar av gratis kurs (eksamensavgift på 585 kroner kjem utanom).

31 sendte inn svar, av desse hadde 23 alt rett. Det var dei to første spørsmåla flest bomma på.

Kurset blir halde på Os vgs tysdag, onsdag og torsdag 23. - 25. oktober.
For yttarlegare info sjå maritimkomp.no.