Viser seg fram
Os vidaregåande skule held ope hus tysdag kveld, der dei viser utdannningsprogrammet sitt rom for rom.


- Dei siste åra har vi presentert oss saman med andre skular på Os Gymnas. Med våre mange praktiske fagområde trur vi det er betre å visa verkstadar og spesialklasserom enn plakatar og brosjyrar, seier rådgjevar ved Os vgs Ingrid Lund Eide.
Tysdag kveld frå klokka 18 til 21 er tilsette og elevar på plass, med open kantine og presentasjon av utdanningsprogrammet kvar halvtime.
- I tillegg kan ungdomsskule-elevane, foreldre og andre interesserte få snakka med våre elevar og lærarar, og gå frå avdeling til avdeling for å bli kjent med skulen ut tilboda.
10. klassingar i Os, Fusa og Tysnes har fått tilsendt invitasjon, det same har ein del skular i Fana fått.
Os vidaregåande skule har desse utdanningsprogramma:
• Bygg- og anleggsteknikk
• Elektrofag
• Helse- og sosialfag
• Service og samferdsel
• Teknikk og industriell produksjon
Allmennfagleg påbygging
Os vgs har dessutan innleiande vg1 bygg- og anleggsfag og teknikk og industriell produksjon. Skulen er den einaste i Hordaland som har transportopplæring og ambulansefag på vg 2, dei har også landslinjer innan anleggsteknikk og yrkessjåfør.
Os vgs har rundt 470 elevar, 480 plassar og 100 tilsette.
Under kan du sjå ein presentasjonsfilm skulen har fått produsert.
(Foto: Varde Film & Media)