Næringsliv | 22. aug. 2017

Viste god genetikk i Trondheim

SalmoBreed stilte under eigarane Benchmark sin paraply under Aqua Nor.

Viste god genetikk i Trondheim
Birgitte Sørheim og Tom Olsen på SalmoBreed sin del av Benchmark sin 77 kvm store stand under Aqua Nor. (Foto: SalmoBreed)
Kjetil Vasby Bruarøy
Kjetil Vasby Bruarøytirsdag 22. aug. 2017 06:52

SalmoBreed var blant dei 600 utstillarane under årets Aqua Nor i Trondheim, for første gong på fellesstand med eigarane sidan 2015, børsnoterte (London) Benchmark. Selskapet har dei siste to åra auka frå 260 til nærmare 1000 tilsette.

– Vi måtte jo terga eigarane litt, så vi lagde eit arrangement med britisk aften, der vi rigga engelsk pub, serverte fish ’n’ chips og viste den berømte kampen der Norge slo England på storskjerm, fortel marknadsdirektør Birgitte Sørheim.

Fekk fiskeriminister på besøk

Pubkvelden kom etter eit vellykka seminar dei arrangerte under messa.

– Det er tett program under Aqua Nor, med mange faste årvisse arrangement, så det var litt vanskeleg å veta kva som var rett tidspunkt og kor mange som ville koma.

– Seminaret handla om reinsing av vatn etter lusemiddelbehandling. Vi ville vore nøgde med 50 deltakarar og var glade då heile 180 kom for å høyra på. Også den islandske fiskeriministeren var innom.

Ekspertise frå Lønningdal

SalmoBreed leverer rogn til Norge, Storbritannia og Færøyene, og noko mindre volum til europeiske land som Danmark og Polen.

SalmoBreed Lønningdal husar heile avlskjera til SalmoBreed, med 350 unike familiar. Dei produserer i tillegg smolt som skal bli stamfisk, totalt rundt 300.000 smolt i året.

Standen i Trondheim var på 77 kvadratmeter med 70 tilsette frå ulike Benchmark-firma.

Frå SalmoBreed i Lønningdal stilte driftssjef Tom Olsen, driftssjef, teknisk ansvarleg Frode Ormehaug og røkter Heidi Skjønhaug.

– Det var godt å ha fagfolk frå drift på stand, dei kunne svara på spørsmål frå fleire av gjestane på standen. Samtidig hadde vi det travelt med òg å besøka leverandørane våre sine stands, seier Sørheim.

Les meir om historikken til selskapet på salmobreed.no.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.