Viste hissig mann vekk frå sentrum

Politiet hadde ein roleg fredagskveld på Osfest, trass mykje folk på festivalområdet, men hadde eit par andre festrelaterte ting å henga fingrane i.

– Rett før klokka 3 møtte vi to menn som sto tett oppi kvarandre, og såg hissige ut, fortel politibetjent Thomas Juulseth.

Ein av dei, ein mann i 30-åra, skal i forkant ha blitt kasta ut frå, eller nekta adgang til, ein av uteplassane i sentrum.

– Mannen fekk pålegg om å fjerna seg frå sentrum, og såg ut til å retta seg etter pålegget.

Feststøy og full ungdom

Tidlegare på natta, klokka 00.15, fekk politiet klage på støy frå ein privat fest i Kuvågen.

– Festen såg ut til å bestå av ein god del ungdomar, men var i ferd med å bli avslutta. Det var roleg på området då patruljen kom fram.

Seinare på natta, i 02.30-tida, møtte politiet ein full 16-åring i Os sentrum. Han skal blant anna ha ramla, men var ikkje skadd. Guten blei køyrd heim til foreldra.