Næringsliv | 23. okt. 2019

Vita-kjeda har fått ny eigar

Jotunfjell Partners har kjøpt buet etter Cosmetic Group-konkursen.

Vita-kjeda har fått ny eigar
Kjeda gjekk konkurs måndag, men Vita på Amfisenteret har halde ope vidare. No håper franchisetakar på kontrakt med ny kjede-eigar. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 23. okt. 2019 06:46

Måndag blei det kjent at Cosmetic Group, eigar av 207 Vita-butikkar og 23 Loco-butikkar, er konkurs.

Vita på AMFI Os er blant fleire som heldt fram med å halda ope, i tråd med oppmoding frå bustyrar.

– Vi veit ikkje om vi får lønn for dette, men eg gjer dette for dei tilsette og kundane. Vi har hatt mange kundar i butikken desse dagane, spesielt i går, fortel franchisetakar Anita Lyssand.

Klokka 06.30 i dag blei ho oppringt av broren, som hadde fått med seg at kjeda har fått ny eigar.

– Det var gledeleg nytt, men eg veit ikkje meir enno. Vi held ope vidare, og så håper eg det kjem informasjon frå eigarane i dag, og at eg får ny kontrakt.

Ny eigar legg ned Loco

Det er Jotunfjell Partners som har kjøpt buet etter dei to kosmetikk-kjedane, melder E24.

Dei har spesialisert seg på varehandel og restrukturering i handelsbransjen, og eig blant anna Gullfunn, Elite Foto og Rygge Flyplass.

I september i fjor overtok dei Enklere Liv, og reduserte i januar frå 65 til 40 butikkar.

E24, som oppdaterer saken om Vita og Loco, seier at Jotunfjell vil legga ned Loco-butikkane, og at konkursutsal vil starta omgåande.

Dei vil driva flest mogleg Vita-butikkar vidare. Kva butikkar det blir er foreløpig uvisst.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.