Vogntog på tur
Politiet stoppa måndag utenlandsk vogntog i Hegglandsdalen. Dei fekk òg klager på bjeffande hund på tredje natta.
At utenlandske vogntogsjåførar køyrer på GPS og blir freista til å køyre der dei ikkje har lov er ikkje eit heilt ukjent fenomen.
- Måndag stoppa patrulja nok ein gong eit utenlandsk vogntog som hadde køyrd opp Rødsliane, fortel lensmann Rasmus Dalen.
Vogntoget blei stoppa i Hegglandsdalen og blei ilagt eit forenkla forelegg.
Bjeffa på tredje natta
Klokka 0120 natt til tysdag fekk naboar i Hagavikområdet nok. Då hadde dei for tredje natta på rad fått ødelagt nattesvevnen av ein hund som sto og gjødde.
- Vi fekk ikkje kontakt med hundeigaren i natt, men vil følgje opp saka i løpet av dagen slik at vi får ein slutt på at naboane ikkje får sova.
Patrulja frå lensmannskontoret hadde òg ein trafikkontroll på Halhjemsvegen i 1930-tida måndag kveld. 24 bilar blei kontrollert og funnen i orden.