(Ill. foto: KVB)
(Ill. foto: KVB)

Yngstemann køyrde fortast

UP stoppa 14 fartssyndarar i Os i går. Ein av dei mista lappen.

Kjetil Vasby Bruarøy
23. mai 2020 - 9:14

Utrykningspolitiet hadde fartskontroll i Os i går.

– Dei sto i ei 50-sone på Lyseklostervegen frå klokka 12.50, fortel vakthavande ved Bjørnafjorden lensmannskontor.

Det blei skrive ut 13 forenkla forelegg. I tillegg blei det målt ein lett mc i 79 km/t.

– Vedkomande er under 18 år. Han er meld og det er tatt beslag i førarkortet.

I 11-tida i går fekk Midtsidne tips om UP på E39 Halhjemsvegen, på vekta på ytre Moberg. Lensmannskontoret har ikkje notat om fangst frå denne kontrollen.

Fekk to prikkar på Hegglandsdalsvegen

Klokka 19.53 fredag kveld hadde politiet trafikkontroll på Hegglandsdalsvegen.

Ein mann i 50-åra blei tatt for ulovleg bruk av mobil mens han køyrde.

Han fekk forelegg på 1700 kroner og to prikkar på førarkortet.

Tidlegare på kvelden, klokka 18.17, stoppa dei ein bil som mangla omregistrering og blei avskilta. Bileigar, ein mann i 20-åra, fekk lov å køyra bilen heim før skilta gjekk av.

Les meir om

Lokal Politi