14 lag med nye drakter

Heilt sidan 1997 har BKK delt ut draktsett til idrettsungdom i sitt område. Onsdag blei laga som fekk drakter i år invitert til BKK for mat, drikke, pyroshow med verter frå VilVite og utdeling av nye drakter.

– Vi delte ut nye draktsett til 200 lag, tilsaman fekk 3000 unge idrettstalent nye drakter. Av desse var det 14 lag frå Os, fortel sponsorkoordinator Kjersti Dragevåg i BKK.

– Siden vi starta med utdeling av draktsett i 1997 har vi no delt ut nærare 55 000 draktsett til lag i våre eigar- og vertskommunar. Slik ønskjer vi å bidra til engasjement og vitale lokalsamfunn.

Aldersbestemte klasser innan fotball, håndball, basket og volleyball kan søka om draktsett.

– Det er òg mogleg å søke om idrettstøy til andre sportsgrener, noko turnjentene frå Os har benytta seg av. Neste frist for å søka blir i november 2017, men vi har òg andre støtteordningar ein kan søka på, avsluttar Dragevåg.

660 lag søkte om draktsett i år. Lag frå I.L Øyglimt , Lysekloster, Nore Neset Idrettslag, Os Turn Håndball, Jadakameratene og Os Basketball Klubb var blant dei som fekk drakter.