740 var utan straum etter brann i trafo
Dei siste fekk straum frå aggregat i løpet av natta.
Klokka 22.34 meldte 110-sentralen om brann i ein trafo eller el-skap i Hjellevegen.
– Vi rykte ut saman med brannvesenet, og har oppretta sak på forholdet, seier politioverbetjent Christine Grindstein.
Klokka 22.58 meldte 110 om sløkt brann.
Vi har foreløpig ikkje fått kontakt med lokalt brannvesen.
– 740 abonnentar mista straumen då brannen braut ut, fortel pressevakt Per Rune Henriksen i BKK Nett.
Nokre av dei fekk straumen tilbake via omkopling, andre måtte venta ei stund.
– Det var rundt 200 abonnentar som ikkje fekk straumen tilbake før vi i natt fekk kopla dei på eit aggregat.
– Eg har ikkje fersk informasjon frå staden, men dei får truleg framleis straum frå dette aggregatet, seier Henriksen tysdag morgon.
