Avskilting, gebyr og meldt bilførar etter kontroll

Torsdag frå klokka 12 til 17 sto Statens vegvesen på E39 ved Hjellemarka/Storestraumen og kontrollerte lette køyretøy.

1.815 køyretøy blei kontrollerte

Tre bilar blei «parkert»

Tre av dei kontrollerte fekk skriftleg melding om manglar.

To bilar blei avskilta og éin fekk bruksforbod grunna dårleg lastsikring.

Éin meldt til politiet

Berre 5 av dei 1.815 bilistane sat utan bilbelte, og fekk begyr for dette.

Éin blei meldt til politiet grunna førrett, i tillegg blei det sendt ein rapport til Skatteetaten.

– Eg har ikkje detaljane på om vedkomande utan førarrett hadde førarkort i ein annan klasse, eller ikkje hadde førarkort i det heile tatt. Dette med rapport til Skatteetaten treng ikkje å ha vore så alvorleg, det kan ha vore eit tips som dei kan følgja opp, for eksempel med ein utanlandsk bil, seier Bjarne Otterlei frå Statens vegvesen til Midtsiden.