Beste ENØK-tiltak: Os Amcar

Bildeserie:

1 av 18

Det var i utgangspunktet meldt nedbør samanhengande gjennom dagen, men både meldingane og vêret blei noko lettare.

I det toget starta 11.45 i dag byrja det å regna, og det kom fleire byger både ved målgang og i løpet av seremonien på Kyrkjeflaten.

Dei beste innslaga

Det såg ut til å vera like mykje folk som vanleg, trass dei dårlege meldingane, men sjølve toget var noko tynnare, med færre lag og organisasjonar og færre representantar frå fleire av idrettslaga som stilte.

Årets 17. maikomité hadde sett opp fleire kategoriar enn før og kåra ulike vinnarar etter at toget hadde kome fram.

– Beste ENØK-tiltak går til Os Amcarklubb, sidan dei berre stilte med tre bilar i år, sa kultursjef Lisbeth Axelsen til latter frå Kyrkjeflaten.

Beste innslag i samband med friluftslivets år gjekk til russen, då nkre få av dei blei observert gåande.

Av andre som fekk pris var Torsdagsklubben for best in show, CheeriOs for mest kreative, Os skulekorps for mest rytmiske og 2a ved Kuventræ og 4a ved Os skule for beste klasserop.

Midtsiden kjem tilbake med eigen bildeserie av russen i toget og video og bilde av innslaga på scenen å Kyrkjeflaten.