Bil kolliderte med MC
Ein motorsyklist er henta med ambulanse etter kollisjon i krysset mellom Byvegen og Idrettsvegen.
Bildeserie:
Ein bil har kollidert med ein motorsykkel i krysset mellom Byvegen og Idrettsvegen.
Meldinga om ulykka kom klokka 18.25.
– MC-førar er bevisst, opplyser politiet via Twitter.
Dei følgjer seinare opp med å fortelja at han blir køyrd til Bergen legevakt for sjekk. Vedkomande er ein mann i 30-åra.
Kolliderte med bil
Eit vitne på staden seier motorsykkelen kom på Byvegen retning Os då ein bil køyrde ut frå Idrettsvegen.
OPPDATERT: Bilførar er ei kvinne i 40-åra. Det er tatt beslag i førarkortet hennar.
Bilen skal ha fått ein mindre bulk, motorsykkelen ligg på asfalten med større skader.
MC-førar låg i vegen mens Midtsiden var på staden, men blei tatt inn i ambulanse.
Skadeomfang og årsak er førebels uvisst, men om vitnet har skildra episoden rett hadde bilen vikeplikt.
Eigar av motorsykkelen bur i Bergen, men vi veit ikkje om det var eigar som køyrde sykkelen.
Brannvesenet dirigerer trafikken på staden, som er open i alle retningar, men med redusert flyt.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.