Bilbeltekampanje på Vestlandet

Statens vegvesen vil sjekka bruk av bilbelte i trafikken på Vestlandet og i resten av landet denne helga, frå fredag ettermiddag til seint søndag kveld.

– Vi skal vera ute heile helga, men kjem til å prioritera fredag kveld, natt til laurdag, laurdag kveld og natt til søndag, sier Thorbjørn Thiem.

Thiem er rådgjevar innan trafikktryggleik i Statens vegvesen Region vest.

– Undersøkingar viser at fire av ti drepte i trafikkulykker på landsbasis ikkje brukte bilbelte. Menn i alderen 18-30 er ofte involvert. Rus og høg fart går også igjen.

Tett til kroppen

– Heldigvis er dei fleste flinke til å bruka bilbelte, men det er også viktig at beltet blir brukt riktig.

- Beltet skal sitja tett inntil kroppen og ikkje vera vridd. Det skal ligga stramt nede på hoftene og alltid over skuldera.

Usikra ungar gir strengare reaksjon

Blir du stoppa utan bilbelte får du 1500 kroner i gebyr. Har du usikra passasjerar under 15 år blir føra meldt til politiet.

Då kan det bli både dyrare og resultera i to prikkar på førarkortet. Er bilførar ung og i prøvetida blir det fire prikkar.