Billigare til byen

På fylkestinget på Voss i dag sikrar fleirtalet beståande av FrP/H/V at ordninga med einheitstakster i Bergen blir utvida til å gjelda heile Hordaland.

Det betyr mellomanna at bussbilletten frå Os til Bergen som i dag kostar 47 kroner blir redusert. Den nye prisen er ikkje endeleg satt, men partia reknar med at den nye taksten blir rundt 33-34 kroner.

– Bussen blir med dette ekstremt konkurransedyktig på pris, og Hordaland blir eit foregangsfylke på kollektivtilbud, seier fylkesordførar Tom Chr. Nilsen (H), fylkesvaraordførar Mona H. Hellesnes (V) og gruppeleiar Terje Søviknes (Frp).

Forenklar systemet

I dagens ordning opererar ein med 370 takstsoner i fylket. No blir heile fylket ei sone.

– Dette er ein ekstrem forenkling av eit komplisert sonesystem.

– Dette blir enklare for våre kunder, enklare å kommunisera og enklare å administrera.

Gunstig for pendlarar

Ordninga trer i kraft frå 2015. Dei nye takstene vil bli vedtekne i samband med fylkestinget si handsaming av budsjettet for 2015.

– Ordninga blir spesielt gunstig for pendlarar i omegnskommunane til Bergen, samt reisande som vel buss på lengre strekningar.

– Dette vil bidra til ytterlegare vekst i antal kollektivreisande i Hordaland og dermed redusera biltrafikken inn mot Bergen, trur dei tre koalisjonspartnarane.