Bygger kontor til Kripos
Drapsetterforskinga held fram med full styrke: Politiet leiger 100 nye kvadratmeter i Irisgåren.
I tredjeetasjen i Irisgården, i nabolokalet til Os lensmannskontor, har det dei siste dagane vore byggearbeid.
– Vi har inngått ein leigeavtale med Irisgården på yttarlegare areal, stadfestar lensmann Rasmus Dalen.
Tilleggsarealet skal husa etterforskingsstøtta politiet i Os mottar etter drapet på Hilda Feste 1. januar.
Meir effektiv
Dalen seier det til no har vore noko trongt på lensmannskontoret, med fleire etterforskarar i arbeid med drapssaka.
– Vi prøver å vera mest mogleg effektive, og har no fått ein fin avtale med leiga av nabolokalet.
På spørsmål om kor lenge dei vil leiga lokalet svarer han at dei har ei ordning der politiet leiger månad for månad.
20 mann i sving
For ei dryg veke sidan fortalte politiadvokat Asbjørn Onarheim for første gong kor mange mange som jobbar med drapssaka.
– 20 etterforskarar, pluss-minus, jobbar med saka kvar dag, sa Onarheim til Midtsiden fredag 27. januar.
Støtta til Os kjem frå andre politikontor og Kripos, der Kripos utgjer den minste gruppa av tilleggspersonel.
Også etterforskarar frå Os
Lensmann Dalen vil ikkje seia kor mange frå Os lensmannskontor som er involvert i etterforskingsarbeidet.
– Eg har frigjeve så mange som eg kan. Medan desse er opptatt får vi i periodar støtte frå andre kontor til andre saker, heile distriktet står samla om denne saka, seier Rasmus Dalen.
– Korleis synes du osingane og øvrig publikum vore i perioden etter drapet?
– Dei har vore flinke og hjelpsame. Eg føler vi har god dialog med lokalsamfunnet og det er eg takksam for, seier lensmannen.
Spennande? Vil du ha ukas høgdepunkt i innboksen?
Les meir om
Tilbod: 1 månad for 1 kr
No kan du lesa Midtsiden.no i 1 månad for kun 1 kr.
- Tilgang til alt innhald
- Utan bindingstid
- Frå 145 kr/md.
Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.