Byggestart utløyste fleire sal

Bildeserie:

1 av 2

Fredag 6. september i fjor blei Os Sjøfront 2 lagt ut for sal. 40 leilegheiter i eitt samanhengande bygg, i meir lik prisklasse enn første sjøfronten, med håp om å selja 13 og få byggestart i slutten av første kvartal 2014.

– Interessa var stor i starten, vi selte tre leilegheiter første dag. Men så blei det ganske stille, vi selte berre to til, fortel eigedomsmeklar Kristin Stave frå Obos Stor-Bergen.

For nokre veker sidan blei det likevel vedtatt byggestart for første trinn, del A.

– Men planen var vel i utgangspunktet å bygga heile blokka i eitt?

– Éin stad må vi uansett byrja, så vi startar med A, nærmast Os sentrum, og vedtaket om byggestart utløyste som venta nokre sal.

6 av 14 er selt

Dei siste veke er det selt yttarlegare to hus og 6 av 14 i første trinn er no selt.

– Sånn var det med Os Sjøfront òg, bra sal i starten og god interesse heile vegen, men det var først då vi byrja å bygga at det lausna på salet, fortel Stave.

I del A er alle dei øvste leilegheitene ledige, men alle dei nest øvste selt, i tillegg til tre andre. Det er også eitt sal i neste trinn, som også tel 14 husvære.

– Alle kjøparane til no er osingar. Vi får fine tilbakemeldingar, spesielt på pris pg planløysing, fortel Stave.

Prisane i A-delen går frå 2.250.000 (55 kvm og tre soverom) til 4.290.000 kroner (84,6 kvm og 3 soverom).