– Det er galskap

Bildeserie:

1 av 11

I vel ei veke har 10 bildekunstnarar frå heile verda vore samla på Os og i Vognhallen for å mala. Konseptet har følgd sukessoppskrifta frå Skulptursymposiet kor kjøparar av kunstverka betalar på førehand, men uten å vita kva kunstverk som blir deira. Laurdag bytta 11 kunstverk eigarar.

– Det har vore fantastisk, inspirerande, intens og konsentert dager på Os.

– For oss har det vore rein rekreasjon i ei blanding med galskap, helsa Usama Alnassar frå Syria, då han takka Vidar og Arne Mæland laurdag.

Fiske, grilling og kunst

Arne Mæland var ikkje usamd i at det var galskap, det dei held på med.

– Det er eit kreativt galskap.

– Akkurat som kjøparane, som kjøper noko dei ikkje veit kva er, eller kva dei får på førehand. Det er òg galskap.

– Men oppi det heile har vi hatt ei fantastisk veke med kunstnarane.

– Vi har fiska fisk, grilla den midt på natta og venta på at sola skulle stå opp.

– Vi har blitt ein stor familie alle saman, både kjøparar, vertsfamiliar, kunstnarar og vi som står bak dette, fortalde Mæland før trekninga tok til.

Dei elleve kjøparane blei trekt opp frå små pakker, før dei vekk velga eitt av fleire kunstverk frå den artisten dei likte best.