Det ligg an til kvit jul i Os

I dag er det fem dagar til julaftan og grått og vått i Os.

Den kalde starten på vinteren snudde til nokre våte førjulsdagar, men no skal det bli lettare og litt kaldare.

Yr melder lettskya onsdag, Storm melder noko nedbør midt på dagen.

Begge spår 4 til 7 plussgradar og regn på datid torsdag, men på kvelden kjem vêromslaget.

Slik ser det foreløpige julevêret ut:

Frå fredag av er det meldt snø, lett bris og 3 gradar på det varmaste.

Laurdag 23. desember er det meldt noko sol, minus 2-3 gradar og snø.

På julaftan held temperaturen seg låg, med minus 2 gradar til 3 varmegradar.

Det blir meldt om variasjon av snø og sludd.

Første juledag, 25. desember, kan det vera for seint å testa akebrettet du fekk under treet kvelden før.

Det er nemleg meldt varmare og meir nedbør. Men Yr og storm er ikkje einige om prognosane.

Yr melder 0 til 1 varmegradar og snø medan Storm melder stigande temperatur opptil 6 varmegrader og regn.

Andre juledag, tysdag 26. desember, held Yr fram med låg temperatur og sol mens Storm melder meir regn og 5 varmegradar.

Onsdag 27. desember melder Yr fortsatt 0 til 1 varmegrad, sol og snø, og Storm melder regn og 7 varmegradar.

Det som blir mest spennande i romjula blir kanskje om temperaturen blir låg nok til at nedbøren landar som snø i skianlegga rundt oss.

• Sjå detaljert vêrmelding for Osøyro på VG Pent