Dette kan kosta 2000 kroner
Feil lysbruk kan føra til forelegg på 2000 kroner. I går blei ein ung bilførar stoppa grunna ulovleg bruk av tåke-/kurvelys.
Torsdag i 23-tida stoppa politiet i Os ein fersk bilførar grunna feil lysbruk.
– Vi har gjeve muntlege åtvaringar i lengre tid, men no fører feil lysbruk til reaksjonar, åtvarar politioverbetjent Audun Hadler-Olsen.
Guten som blei stoppa i går er knappe 20 år gamal og kjørte med tåke-/kurvelys.
Tåke-/kurvelys er lov å bruka som kjørelys på dagtid, men gjev ikkje godt nok lys etter at sola har gått ned.
Lysa er berre lov å bruka saman med nærlys eller fjernlys ved kurvekjøring i låg fart (10-20 km/t).
Vedkomande kan venta seg eit forelegg. Kor stort der blir er uvisst, men ofte er det snakk om 2000 kroner.
Bråkete mann kjørt til arresten
I 3-tida natt til fredag var politiet ute på eit anna oppdrag.
Naboar varsla politiet då ein mann var utagerande på besøk på ei privat adresse.
– Vedkomande, som er i slutten av 20-åra, blei kjørt til Bergen via legevakt og fekk sova ut rusen i arresten. Han er meldt for forholdet.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.