Dømd til fengsel og bot

Ein osing i midten av 20-åra blei i Bergen tingrett tidlegare denne månaden dømd til 16 dagar i fengsel, men fullbyrding av straffen blir utsatt med ei prøvetid på to år.

I tillegg blei han dømd til å betala ei bot på 5000 kroner, subsidiært fengsel i ti dagar.

– Påtalemynde har anført at straffen bør settast til betinga fengsel i 16 dager og at den betinga fengselstraffen utan tilståing ville ha vore 21 dagar. Retten er einig i dette. Det er imidlertidig naudsynt at sikta gis ein følbar reaksjon på sine overtredningar, og han blir difor dømd til ein bot på kr 5000,-, subsidiært om boten ikkje lar seg inndrive, fengsel i 10 dagar, som foreslått av påtalemynde, heiter det i dommen.

Tilsto alt

I rettsaken sto mannen tiltalt for å hatt 3,20 gram amfetamin på seg ein kveld i april. Han blei også tatt med 5,08 gram brutto hasj og 0,42 gram amfetamin, samt 0,9 gram hasj og omlag 1 gram brutto amfetamin ved to seinare anledningar, sist i november.

I retten gav mannen ei tilsåing utan atterhald, noko som blei styrka av dei øvrige opplysningane i saka.

Sikta er domfelt ein gong tidlegare. Domfellinga gjaldt mellom anna brot på narkotikalovgiving.

– Det er skjerpande at han no igjen blir dømd for slike handlingar, heiter det i dommen.

Det er mengden amfetamin han hadde på seg i april, som gjer at han blei dømd til fengselstraff.

– Dei øvrige tilhøva han blir dømd for, kunne isolert sett vore avgjort ved forelegg. Det er imidlertidig skjerpande at sikta stadig pådreg seg nye liknande saker.