Stian Dyngeland har signert for Lysekloster (foto: Dagfinn Breivik, Lysekloster IL)

Dyngeland til Lysekloster

Tidlegare Sogndal-spelar Stian Dyngeland skal ha praksisperiode ved Os lensmannskontor og spela for Lysekloster.

Av: Andris Hamre

Lysekloster har starta ferieperioden med å signera sin første nye spelar. Fanaguten, Stian Dyngeland speler for Os-klubben frå hausten av.

– Stian som har gått på politihøgskulen i Stavern og skal no ut i praksis. I praksisåret skal han jobba ved Os lensmannskontor og Stian har difor meld overgang til Lysekloster, kor han har ein del venar frå før, melder Lysekloster på heimesida si.

Dyngeland starta si karriere i Fana IL, kor han var toppskårar i 3. divisjon i 2011. Då han seinare flytta til Sogndal for å studera kom han inn på Sogndal sitt A-lag kor han fekk sin debut i tippeligaen mot Odd i 2012. Dyngeland fekk 17 A-kampar for Sogndal.

Den siste tida har han spelt for Fram Larvik i 2. divisjon ved sidan av studiene.