Dyreklinikk på flyttefot

Bildeserie:

1 av 2

Laurdag stilte tilsette, kundar, venar og familie mannsterkt opp for å flytta utstyr frå Landboden til Hjelle, torsdag er det opning av ny klinikk.

– Vi held på å pakka ut utstyr, men dyreeigarar som treng hjelp før opning kan berre slå på tråden, så finn vi ut om vi kan hjelpa eller om dei må ta turen til by'n, seier veterinær Eva-Kristin Lunde.

Det er 20 år sidan ho starta Osøyro Dyreklinikk og eitt år sidan ho, saman med sambuaren Nils Brynjulv Bøe kjøpte den tidlegare tredreieverkstaden av Tom Fagerthun og Harry Herland, som dreiv mekanisk verkstad.

Meir enn dobla areal

Med flytting frå Osøyro aukar klinikken frå 190 til 450 kvadratmeter. Firmaet skiftar òg namn til Os Dyreklinikk.

Os Dyreklinikk får meir enn dobbelt så stor plass, aukar frå to til tre behandlingsrom og får, i tillegg til tre behandlingsrom, operasjonsstove, tannklinikk, oppstallingsrom og røntgenrom, mykje større mottak for hestar - og eit spesialdesigna hundebad.

Midtsiden kjem tilbake med meir når den nye klinikken er opna.

– Det blir ingen opningsfest torsdag, det tar vi på nyåret. For oss handlar det no berre om å få klinikken opp og gå i nytt lokale, seier Lunde.