Som eit stranda, lite cruiseskip ligg hytta der, på eit høgdedrag på Balandsneset ,med utsikt over Korsfjorden. (Foto: Jarle Kysnes, Privatmegleren)

Ei perle på Drange til under 6 millionar

Naust, anneks og ei praktisk, arkitektteikna hytte kjem i dag for sal.

image
image
image
image
image
image
image
image
image
image
image
image
Av: Kjetil Vasby Bruarøy

Våren har kome og mange frå Bergen byrjar å sjå mot skjergarden i Os igjen. I skrivande stund er det ni fritidseigedomar i Os for sal på Finn.no, fem av desse er rorbu, naust eller nausttomt.

Dei andre fire er hytter med prisantyding frå 1,6 til 5 millionar kroner. Men i dag blir det lagt ut ein fritidseigedom til noko høgare pris, ei hytte frå 2009 med anneks, naust og brygge i det populære hytteområdet Balandsneset utanfor Drange.

– Dette er ein av dei mest spesielle og særeigna fritidsbustadane i Noreg. Arkitekten har sett funksjonalitet vera førande og resultatet er ei hytte som rett og slett eg god å bu i, seier eigedomsmeklar Robert Stokkeland Jensen frå Privatmegleren.

Frå peparkakeby til prakthytte

Hytta er skissa av eigar og teikna av den danske arkitekten Jacob Røsvik hos 3RW.

Tre år etter at hytta var bygd blei eigarane intervjua av BT.

- Heime bur vi midt i sentrum i eit gamalt bergenshus frå 1850. Det er nær jobbane våre, så det er lett å stikka bortom om det skjer noko. Hytta er ein fristad, det er deilig å ha fullstendig ro. Vi bygde kaien og naustet før hytta, sa Steinar Kristoffersen (sjef for Bergen Sentrum og Pepperkakebyen i Bergen) til Bergens Tidende i 2012.

Hytta har tre soverom, takterrasse og eit bruttoareal på til saman 136 kvadratmeter, ei tomt på over to mål med anneks, naust og brygge.

– Det er berre unntaksvis at eg som meklar kjem over slike salsobjekt som dette. Prisen er dessutan overkomeleg for svært mange, noko som er uvanleg når det kjem til unike eigedomar med arkitektteikna hytter, seier Jensen om hytta som har prisantyding på knappe 5,9 millionar kroner.