Desse hyllene skal fyllast med eksotiske, ferske grønsaker når butikken Exotic Food opnar i slutten av juli. (Foto: Kjetil Vasby Bruarøy)

Ein restaurant med hyller?

Ny leigetakar held på å innreia lokalet der AroyDee heldt til.

Av: Kjetil Vasby Bruarøy

I starten på førre veke blei restauranten AroyDee stengd. Midtsiden har ikkje lykkast i å nå drivar av den asiatiske restauranten, som opna i november 2012, men huseigar stadfestar at eit anna firma har overtatt leigekontrakten.

«Vi holder stengt grunnet oppussing. Nyåpning nærmer seg» står det på ein lapp på døra, signert Exotic Food.

– Opningsdato er ikkje bestemt, men eg håper vi klarer å opna siste veka i juli, seier innehavar Aljafra Baker.

Internasjonale råvarer

Baker fortel at han vil opna ein butikk med internasjonale matvarer og ferske grønsaker.

– Det blir daglegvare, olje, krydder, bønner, ulike asiatiske sausar og mange variantar av ferske grønsaker.

Innehavar er palestiner og bur på Nesttun. Han har drive tilsvarande butikk i Bergen i fire år.

– Konkurransen i Bergen er hard, eg har selt denne butikken no for heller å satsa på Os.

Takeaway og nattmat

Kjøkkenet AroyDee bygde i det tidlegare Lehrmanns-lokalet skal òg bli tatt i bruk.

– Det blir ikkje restaurant, men vi vil òg selja takeaway. Dette er ikkje klart til opningsdagen, det går eit stykke ut i august før vi byrjar å selja ferdiglaga mat.

Falafel, rullekebab, burger og pizza kjem på menyen.

– Når vi er i gang vil eg òg søkja om å få selja mat natt til laurdag og søndag, til dei som er svoltne på veg heim frå fest, gjerne med opningstid til rundt 3-4 om natta, fortel Baker.

 

Fleire saker

bilde-midtsiden

Erling H. Lunde heidra på Ulven

22. juli 2017

XU-agent Erling H. Lunde blei fredag heidra for sin innsats for under 2. verdskrig. Les den dramatiske historia då Gestapo arresterte han her.

bilde-midtsiden

Sommaraction i Mobergsvikjo

22. juli 2017

– Eg er glad vi tok med badebukse, sjølv om vi skulle til Vestlandet, seier brørne Sondre og Vegard.

bilde-midtsiden

Seier nei til flytting

21. juli 2017

Hamnesjefen • Miljødirektoratet har avslått søknaden om å flytta knoppsvanene frå Oselvo til Tysnes.

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.