Elva boblar

Rett utanfor den kommunale pumpestasjonen på gjestebrygga kan ein i dag sjå at elva "kokar".

– Truleg er det overvatn frå kloakknettet som gjer det.

– Når det regnar så mykje som det har gjort no, så skjer det frå tid til anna, forklarar teknisk sjef, Marianne Kramer.

Overvakar pumpa

Problemet kan vera at i det gamle avlaupsnettet blir overvatn frå kommunale kummar blanda med kloakken.

– I dag blir dei lagt i separate rør, men vi har framleis denne delte løysinga på eindel av nettet vår.

– Problemet kan òg oppstå om pumpa som står i pumpestasjonen går tett og stoppar og at det dermed renn over i overlaupsrøret.

– På pumpestasjonen har vi alarm, direkte knytt til vakttelefonen, men eg har ikkje høyrt at den har slått ut i dag, forklarar Kramer.