Er det dyrt å bu i Os?
I Sola betaler innbyggarane 5.269 kroner i kommunale avgifter, i Gjemnes koster tenestene over 21.000. Korleis ligg Os an?
Ifølgje ei ny undersøking frå Norsk Familieøkonomi har den dyraste kommunen i Noreg fire gongar så høge avgifter som den billigaste.
Norsk Familieøkonomi baserer analysen på tal frå Statistisk Sentralbyrå og ser på kor mykje ein gjennomsnitteleg husstand betaler i avgift på vatn, avlaup, renovasjon, feiing og eventuell eigendomsskatt.
Sola kommune i Rogaland er billigast med ein total på 5.269 kroner, mens i Gjemnes i Møre & Romsdal må innbyggarane ut med 21.008 kroner i året i kommunale avgifter.
Os - blant dei billigaste i Hordaland
Ifølgje undersøkinga er det dobbelt så dyrt å bu i Os som i Sola.
Likevel er det berre sju kommunar i Hordaland som har lågare avgifter enn Os.
Modalen (8113 kroner), Ulvik (8675 kroner) og Fitjar (9701 kroner) er billigast, mens Ullensvang (16.421 kroner) er dyrast.
Dette kostar det å bu i Os: Totalt 10.468 kroner per år
Vatn 3.698
Avlaup 4.644
Renovasjon 1.700
Feiar 426
Eigedomsskatt 0
Vår komande halvdel over fjorden, Fusa, ser ut til å vera gløymt i undersøkinga. Heller ikkje Tysnes ser ut til å vera med.
Samnanger blant dei dyraste
Naboane våre i aust, Samnanger kommune, ligg på 16.345 kroner. Dette er inkludert 4500 kroner i eigedomsskatt, i tillegg må du betala heile 7210 kroner for vatnet per år.
Av kommunar Os ofte samanliknar seg med ser tala slik ut:
Askøy: Totalt 10.282 kroner
Vatn 4029
Avlaup 3985
Renovasjon 1725
Feiar 543
Eigedomsskatt 0
Fjell: Totalt 12.167 kroner
Vatn 4533
Avlaup 5152
Renovasjon 1892
Feiar 590
Eigedomsskatt 0
Her er totalkostnaden i nokre andre kommunar i Hordaland:
Lindås 9.865 kroner
Fedje 10.149
Austrheim 10.205
Askøy 10.282
Vaksdal 10.727
Odda 10.887
Øygarden 12.060
Austevoll 12.427
Stord 12545
Voss 13.665
Bergen 14.024
I Oslo kommune er totalprisen 8.017 kroner.
Sjå heile undersøkinga på norskfamilie.no
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.