Eventyrstund på biblioteket
VIDEO: Førstklassingane frå Lunde og Hegglandsdalen blei leia inn i ei eventyrverd då dei besøkte Os Folkebibliotek onsdag.
Merethe Gauden har vore fast gjest på Os Folkebibliotek i rundt 15 år. Her har ho heldt eventyrstunder, mest for born, men også for vaksne.
Som ein del av "Den kulturelle skolesekken" inviterer biblioteket førsteklassingane frå alle skulane i Os til ei eventyrstund med Gauden.
Ho har teaterutdanning og har jobba frilans i mange år.
– Eg reiser rundt til alle plassar der dei vil ha litt skrøner.
– Borna gjev meg energi
Med si levande fortellarevne tar ho ungane med på eit eventyr med troll, kongar, slott og prinsesser.
– Eg har stort sett det same eventyret kvart år, det er fordi det eine eventyret rommar så mykje, og publikummet stort sett er nytt.
Ho seier det er ikkje vanskeleg å sjå kva ungar som har lesekultur og ikkje, og har eit inntrykk av at borna frå Hegglandsdalen og Lunde er godt belest.
– Same kor sleten eg er så får eg så enormt med energi når eg ser blikka til borna, fortel Gauden.
Denne onsdagen er ikkje Gauden heilt i form, ifølgje ho sjølv, noko som er umogleg å sjå når ho står foran borna.
Viktig å kunne forestilla seg
Elisabeth Bochon Tøsdal frå biblioteket tykkjer sjølv det er veldig kjekt å få Gauden og borna på besøk.
– Eg tar meg sjølv i å bli sitjande å følgja med eg òg, ho er ein så dyktig forteljar.
Kontaktlærar for 1A på Lunde barneskule, Laila Solbakken, har vore med på eventyrstundene fleire gongar med tidlegare klassar.
– Vi har eventyr som tema i klassen og det er utrulig kjekt å koma her på eventyrstund.
– Forteljarbeten er fantastisk, det er nok ikkje ofte dei opplever noko sånt i desse TV-tider, fortel Solbakken, og seier dei les for borna kvar dag på skulen.
– Det er noko med det å kunne forestilla seg noko, som er så viktig.
VIDEO: Sjå klipp frå eventyrstunda.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.