Fekk hjelp - og straff

Søndag i 15-tida ropte ein båtførar på hjelp i Os hamn. Han hadde kjørt ut frå Esso-stasjonen, men så fekk båten motorstopp.

Vitne prøvde å hjelpa, for å hindra at båten skulle driva på land, blant anna ved å sjøsetja ein liten båt som låg ved Oselvarverkstaden.

Men så kom politibåten gliande.

Mistenkt for promillekjøring

Kjølen slepte den havarerte båten vekk frå svaberget på austsida av hamna.

Så fatta dei mistanke om promillekjøring.

– Det er tatt blodprøve og oppretta sak, fortel politioverbetjent Audun Hadler-Olsen.

Mistenkte, ein mann i 60-åra, er ikkje frå Os.