Fire gull og to sølv

Det unge symjetalentet Ariel Braathen frå Os svømmeklubb har planane for sesongen klare. Ho vil kvalifisera til det internasjonale Nordsjøstevnet i Stavanger til hausten.

– Bassenget i Stavanger har litt spesielle forhold.

– For å få ein målepinne på kordan ho ligg an i høve kvalifiseringtidene deltok ho på Stavanger TYR Open i det same basseng i helga, fortel far Bjørn Arne Braathen.

Ho er allereie kvalifisert til sju øvelsar under det internasjonale stemnet, men tek sikte på å klara kvalifiseringskrava til enno tre øvelsar.

Fire gull og to sølv

Ungjenta frå Søfteland (fødd i 1999) gjorde eit særs bra stemne. Fleire av tidene til hennar er blant dei beste tidene i Noreg for årsklassa. Sjå berre her:

50 meter butterfly: Gull med tida 32,47 (10. beste tida i Noreg)
50 meter fri: Gull med tida 29,69 (16. beste tida i Noreg)
200 meter fri: Gull med tida 2.17,79 (11. beste tida i Noreg)
100 meter medley: Gull med tida 1.11,35 (5. beste tida i Noreg)
50 meter bryst: Sølv med tida 37,12 (8. beste tida i Noreg)
100 meter bryst: Sølv med tida 1.22,12

– Ho er verkeleg i støtet om dagen, jublar faren etter at dottera satte ny personleg rekord på 100 meter medley, 50 meter fri og 50 meter bryst.

– På 200 fri persa ho med nesten 8 sekund!

– Ariel har satt seg høge mål, men dei trur eg ho kjem til å nå, avsluttar Bjørn Arne Braathen med eit smil.

Også bror Sebastian Braathen (fødd -97) gjorde gode konkurransar i bassenget med sølv på 50 meter bryst (34,83), bronse på 100 meter bryst (1.15,26), 4. plass på 50 meter butterfly (29,36) og sjuande plass på 50 meter fri (28,15).