– Forferdeleg dårleg

Bildeserie:

1 av 9

Førde hadde berre plukka 16 poeng før dei kom til Lysefjorden laurdag. Der fekk dei med seg tre til etter å ha slått heimelaget 0-2 med to skåringar i 2. omgang.

– Dette var forferdeleg dårleg. Første omgangen er grei, men i 2. omgangen ser det ut som om gutane har gitt seg for i år.

– Vi taper fortjent for eit lag som vi så absolutt ikkje skal tapa for, oppsummerer Thomas Sandal etter kampen.

Et par farlege sjansar

For første omgangen var brukbar av Lysekloster. Med Petrit Zhubi tilbake på topp spelte Lysekloster seg til fleire bra sjansar, men avslutningane blei for svake.

Også gjestene frå Førde var farleg frampå eit par gonger, men Ole Kristian Olsen i Lyseklosterburet helt stand.

Svikta i markeringane

I andre omgangen tok gjestane meir og meir over. Etter 68 minutt svikta Lysekloster-forsvaret i markeringane og Kristoffer Iversen kunne plassera ballen bak Olsen i Lyseklosterburet.

Også på 0-2 målet etter 80 minutt var ikkje forsvaret heilt patent.

Lysekloster - Førde 0-2 (0-0)
Lysekloster: Ole Kristian Olsen, Ola Sjømæling, Oliver Kirk Larsen, Denis Ljubovic, Aleksander Andersen, Espen Birkeland, Martin Eidsvik, Petrit Zhubi (Asgrim Tangen Farnes, 75 min), Ståle Steen Sæthre, Thomas Aarsund (Thomas Helland, 82 min), Christer Olsen (Ken-Joar Lyngås Føyen, 58 min)

Lysekloster enda serien på 9. plass med 30 poeng. Sjå tabellen. og rykker ned samab med blant andre Fyllingsdalen (8. plass).

Nest-Sotra tar 2. plass og Fana landa på 5. plass og held seg i 2. divisjon.

Takka Ørjan Sandal

Ørjan Sandal, som har vore med på Lysekloster-eventyret frå starten blei i pausen takka av med blomster. Sandal søkjer no nye utfordringar.

– Eg blei henta hit av Svein Kollen med eit klart oppdrag. Vi skulle gå frå botn til toppfotballen. Eg føler at det har vi klart med å komma opp i 2. divisjon og toppfotballen. Det har blitt litt motgang i år, men det vil Lysekloster tåle uansett. De kjem tilbake. Takk for ei utruleg flott tid, helsa Sandal dei frammøtte.