Fotgjengar påkøyrd

Om lag i 11.20-tida tysdag formiddag fekk politiet melding om at ein person var påkøyrd av ein bil på Ulvenvegen ved Ulvenparken på Os.

Både politi, ambulanse og luftambulanse blei tilkalla.

- Vedkommande som blei påkøyrd skal ha vore bevisstløs då patruljen kom til staden, fortel lensmann Rasmus Dalen.

Operasjonssentralen melder at det er ein mann som blei alvorleg skadd.

- Mannen blødde frå hovudet og hadde brotskade i bein, fortel operasjonsleiar Preben Wallestad.

- Han blei køyrd til Haukeland sjukehus med ambulanse.

Os lensmannskontor etterforskar saka og tok åstedsundersøkingar. Førarkortet til bilføraren som var involvert blei beslaglagt på staden.

Bilen med fire personar skal ha fått sleng like før ulykka og hamna i autovernet før bilen har kryssa vegen og truffe mann.

Haukeland sjukehus melder at mannen på 66 år er kritisk skadd.