Front mot front i 40-sona

Torsdag klokka 6.20 fekk politiet melding om trafikkulykke på E39 i 40-sona ved Søfteland barneskule.

– Ei forbikjøring skal ha vore årsaka som førte til møteulykka, seier politioverbetjent Kenneth Rastad til Midtsiden.

Dei to bilane kolliderte i låg fart og det blei berre mindre personskade. Begge bilførarane, ei kvinne og ein mann i 30-40-åra, blei frakta til lege for sjekk.

Det var full stopp i trafikken ei stund etter ulykka, og dirigering frå klokka 7.

Det er førebels ikkje tatt beslag i noko førarkort.