midtsiden

Full sal med fint arbeid

Konsentrert frå morgon til kveld: Venninnegjeng frå Os samla 60 til stempel- og scrapbook-treff.

image
image
image
image
image
image
image
image
image
Av: Kjetil Vasby Bruarøy

– Det starta då Anne Marit flytta frå Oslo til Os og fekk oss i gang med scrapbooking, fortel Ingerid Verpe Jacobsen.

Ein gong i månaden samlar Anne Marit Nordgård, Ingerid Verpe Jacobsen, Nina Gading Kristiansen og Torbjørg Søvik seg ei heil helg for å laga kort og stempel.

– Så tenkte vi, kva om vi blei endå fleire? fortel Ingerid.

60 i same sal

Det første stempel-treffet, som dei kallar det, blei halde i 2008. Kortkvartetten var overraska over at det kom så mange som 25 og tenkte, «kanskje har vi kapasitet til 30?»

– I dag har vi vore 60, og her trur eg vi set strek, vi får nok ikkje plass til mange fleire.

Ingerid fortel at det er deltakarar frå både Bergen og Os, og nokre som er frå Øygarden, på campingtur i Fusa, men brukte heile laurdagen i gymsalen på Søfteland.

15 flittige timar

Scrapbookgjengen hadde lånt gymsalen på Søfteland til treffet laurdag. Dei første sto klare då dørene opna klokka 9, over halvparten blei igjen etter klokka 18 og dei siste plar runda av litt før midnatt.

– Vi organiserer med måltid og fleire har kaker og kaffimat med, så vi held blodsukkeret og konsentrasjonen oppe.

Hobbybutikk på plass

Enkelte butikkar er flinkare til å tilpassa seg marknaden enn andre. Den største hobbybutikken i området, Hobbykroken på Laksevåg, flytta laurdag heile butikken sin til treffet på Os.

– Ein garderobe er innreia som butikk og kassa-apparatet står rett utanfor. Dei har hatt ein god marknad her i dag, vil eg tru.

Konkurranse

Medan dei flittige unge og eldre damene hjelper kvarandre og jobbar side om side er det også litt konkurranse ute og går.

– Vi har fått sponsa ulike premiar og deltakarane kan sjølv melda på noko av det dei lagar. Deltakarane gjev så stemmer på det dei synes er finast og så blir det kåra vinnarar.

Årets vinnar er ei du gjerne ikkje bør forstyrra medan ho jobbar, Ellen Algerøy har vore noregsmeister i kroppsbygging og har 5. plass på VM i handbak.

– Eg byrja med scrapbooking for tre år sidan og synes det er kjekt å laga kort med personleg preg. Treffet på Os er eit hyggeleg tiltak der vi får inspirasjon og lærer nye ting, seier ho.

Fleire saker

bilde-midtsiden

Full fres på Kuventræ

27. mai 2017

Bildeserie: Strålande innsats i strålande vêr når Os Friidrett arrangerer Friidrettens dag på Kuventræ laurdag.

bilde-midtsiden

Innbrot og funn av narkotika

27. mai 2017

Politiet gjorde funn under ransaking på dagtid laurdag. Så var dei på undersøking i ein leiligheit i Strøno, der nokon hadde tatt seg inn og stole...

bilde-midtsiden

Nytt styre i Osfest

27. mai 2017

Jan Kristian Rokne, Øyvind Blindheim og Jan Vidar Alnes går inn i styret for Osfest. – Vi vil vera med å byggje festivalen vidare, seier dei tre...

bilde-midtsiden

Vårkonsert med urframføring

27. mai 2017

Kyriake med band framfører ein heilt ny salme av Norvald Johan Kobbeltvedt når dei syng i Nore Neset kyrkje søndag kveld.

bilde-midtsiden

Kos på Os

26. mai 2017

Bildeserie: Vel 300 stilte då Undercover og Os sentrum inviterte til torgfest på Øyro fredag. Det blei ein suksess.

bilde-midtsiden

Tidleg start på årets Friluftsskule

26. mai 2017

Rapellering, padling og tenning av bål - årets Friluftsskule har fokus på padling og sjøliv, og blir arrangert over ein månad tidlegare enn i fjor...

bilde-midtsiden

Mistenkte ruskøyring

26. mai 2017

Ein mann i 40-åra mistenkt for å ha køyrd bil i rusa tilstand i Hagavik torsdag ettermiddag.

bilde-midtsiden

Følte seg bondefanga

26. mai 2017

Politikarane sa ja til oppstart av reguleringsplanen for Hjelle skule, men var ikkje spesielt glade for å ta landbruksarealet.