Fullførte semifinalen med tre hjul

Bildeserie:

1 av 2

I helga var CircleX i Danmark for å køyra fjerde runde i årets RallyX Nordic.

Jarle Nytræ frå NytræRx var einaste sjåfør som stilte frå rallycrossteamet, og innleia helga med gode treningsresultat.

– Vekslande vêr og mykje vatn på banen gjorde forholda vanskelege, fortel Nytræ.

Han hadde òg litt småproblem med motoren, men klarte for første gong denne sesongen å kvalifisera seg til semifinale.

Mista eit hjul

Også i semifinaleheatet klarte Nytræ seg bra, og låg på 3. plass då han blei påkøyrd av Mats Öhman, som kom ut av joker-runden. Jarle sin Volvo C30 mista eit hjul og fekk omfattande skadar framme på venstre side.

Trass skaden gjennomførte Jarle semifinalen. På tre hjul.

– Det blir mykje jobb på bilen til neste løp, men vi skal klara å få den klar, seier ein uskadd Jarle.

Det er to løp igjen i årets sesong, begge går i Sverige i september.