Går frå Brann
Løv-Ham erstattar Mats Cato Moldskred med ein annan osing. Bjarte Haugsdal går på utlån resten av sesongen.
Fredag blei det kjent at Bjarte Haugsdal går på utlån frå Brann til Løv-Ham resten av sesongen.
Løv-Ham-trener Arne Sandstø ser på Haugsdal som ein erstattar for Mats Cato Moldskred, som gjekk til Bryne i førre veke.
- Eg skal på første trening med Løv-Ham i dag, fortel Bjarte Haugsdal til midtsiden.no
- Forhåpentlegvis er eg i troppen på sundagens kamp mot Nybergsund/Trysil, seier talentet frå Os.
Fekk lite speletid
- Eg har fekk bra med speletid i byrjing av sesongen, men den siste tida har det blitt mindre, fortel Haugsdal.
Bjarte Haugsdal har spelt 10 kampar for Brann i Tippeligaen, éin frå start og ni som innbytar.
Den siste delen av sesongen har han spelt for Brann 2 i 3. divisjon.
- Han har spelt for lenge i 3. divisjon allereie, og då er det fare for at han stagnerar, seier Brann-trenar Rune Skarsfjord til BT.
- Eg trur det kan vere greit å ta ei tid i 1. divisjon slik at eg får litt tøffare matching, seier Haugsdal.
Det var ikkje aktuelt å be om ei utlånsavtale til Os då du ikkje fekk spelt i Tippeligaen?
- Det var eigentleg ikkje det, når Løv-Ham viste interresse så var det meir aktuelt, avsluttar Bjarte Haugsdal.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.