Gav lite konkrete svar

Torsdag ettermiddag inviterte Statens Vegvesen til folkemøte i Oseana i samband med at den statlege planen for E39 Stord- Os no er ute på høyring.

Ein relativt stor delegasjon frå Øyane hadde tatt turen til Os for å få svar på korleis overgangen mellom bru og tunell vil bli i Kobbavågen-området.

– Har de nokre meir detaljerte kart på korleis det vil berøra Søre Øyane, og korleis anleggsvegen utover Øyane blir, undra blant fleire, Jonn Garvik.

– Vi har med tre brukonsept, dei vil nå Øyane på ulikt vis. Vi vil sjå nærare på korleis komma ned under Øyane på best mogleg måte. Det blir vår oppgåve i det kommande detaljeringsarbeidet å visa korleis det blir for Søre Øyane. Vi har ikkje konsentrert oss så mykje om detaljane på det enno. Vår oppgåve er å gjera dette på ein best mogleg måte.

– Ein anleggsveg må vi nok ha, kor stor den er må vi komma tilbake til. Når vi skal ha ein sykkelveg over brua, så kan vi ikkje sende den ned i tunnellen, då må ein byggja ein veg inn til lokalvegnettet i Søre Øyane, svarte Signe Eikenes i Statens Vegvesen.

Teikningar til neste vår?

Sjølv om fleire freista å få ut av ho korleis det kjem til å bli i Kobbavågen, så fekk dei ikkje meir ut av ho.

– Vi må ned i detaljnivået ift Øyane. Vi har ikkje gått for eitt alternativ. Vi ønskjer å gjera det bra og ha ei arkitektkonkurranse. Vegvesenet har for vane å forlate anlegga sine ganske fine. Vi har nok beskrive det meir i ord enn i teikningar, men vi kjem i allefall ikkje med noko som er verre. Eg håper vi neste vår kan vera her igjen og diskutera ulike løysinger, kommenterte Eikenes som oppfordra forsamlinga med å lesa plandokumenta på vegvesenet si heimeside og komma med høyringsuttalelser.

Midtsiden kjem tilbake med meir frå folkemøtet fredag.