God kamp - null poeng

Etter ein lang juleferie har Osherrane starta vårsesongen med to kampar på fire dagar. Laurdag slo dei Gneist 27-20 på bortebane. Tysdag var det ny bortekamp, denne gangen mot Mathopen.

- Mathopen er eit bra lag med fin blanding av rutinerte og unge spelarar som har slitt med å plukke poeng sålangt i sesongen, seier Ostrenar Leif Idar Røen.

Fulgtes åt

Då dei to laga møttest i Oshallen i haust knuste Os Mathopen med heile 11 mål, tysdag blei det ein heilt anna kamp kor dei to laga bytta på å ligge eitt og to mål foran.

- Som sist mot Mathopen spelar vi ein god kamp, men denne gongen vippar det ikkje vår veg.

- Vi blir etterkvart for sårbare med ein liten stall når vi får fleire småskader utover i kampen.

- I tillegg mangla vi eit par mann som er på reise om dagen, forklarar Røen.

Blei slitne

Noko hjelp frå dommarparet var det heller ikkje å henta i den tette kampen. Med heile fire utvisningar og eitt direkte raudt kort (mot Mathopen sin eine to-minuttar) tok kreftene etterkvart slutt.

- Vi har sjansen til å berga iallefall eitt poeng på sluten, men gjer nokre dårlege val framover på banen som gjer at vi ikkje får ballen i mål, forklarar Røen som trekk fram Joakim Blostrupmoen som dagens spelar.

- Joakim er tilbake etter ei lita downperiode og klinkar inn 8 mål. Det er eg veldig nøgd med, avsluttar Røen.

Mathopen-Os 28-26 (16-16)
Utv: Mathopen 1x2 min, Os 4x2 min + eitt raudt kort
Os sitt lag: Einar Godø, Trygve Dahl 3, Isak Røen 1, Daniel Røen, Ove Lyssand 9, Frode Vindenes, Øystein Skarding 4, Joakim Blostrupmoen 8, Andris Hamre, Joakim Nøkleby 2, Steinar Gaasdal.

SJÅ TABELL